ხშირი პრობლემები კონდიციონერებში და მათი გადაჭრის გზები

ზაფხულის დამთრგუნველი სიცხისგან გათავისუფლება შეუძლებელია კონდიციონერის გრილი ჰაერის გარეშე. კონდიციონერი მე-20 საუკუნის გამოგონებაა და ის ტემპერატურის რეგულირებითა და ტენიანობის მინიმუმამდე შემცირებით უშლის ხელს სიცხისგან გამოწვეული ჯანმრთელობის პრობლემების განვითარებას. შექმნილი ატმოსფერო კი სასიამოვნოა როგორც სამუშაოდ, ისე დასასვენებლად და საცხოვრებლად. კონდიციონერის საყოველთაო საჭიროებიდან გამომდინარე, მისი დაზიანება და გაფუჭება ზაფხულის ცხელ დღეებში გაუსაძლის დისკომფორტს უკავშირდება. 

კონდიციონერებს პერიოდულად შესაძლოა გაუჩნდეს რამდენიმე ტიპის ხარვეზი: 

1. გაგრილების ნაკლებობა - კონდიციონერმა შესაძლოა ვერ უზრუნველყოს სათანადო გაგრილება კომპრესორის პრობლემის ან ჰაერის ნაკადის შეზღუდვის გამო.

გადაჭრის გზები: შეამოწმეთ, გაწმინდეთ და საჭიროების შემთხვევაში, შეცვალეთ ჰაერის ფილტრები, გაასუფთავეთ გარე ბლოკი და დარწმუნდით, რომ ფანჯრები და კარი დახურულია, როდესაც კონდიციონერი ჩართულია.

2. ჰაერის ცუდი ნაკადი - ჰაერის არასაკმარისი ნაკადი შეიძლება გამოწვეული იყოს ფილტრების ჩაკეტვით, დაბლოკილი ვენტილაციით ან სხვა მრავალი ტიპის ტექნიკური გაუმართაობით, რომელიც ამცირებს სისტემის გაგრილების ეფექტურობას.

გამოსავალი: იმის გათვალისწინებით, რომ ამ პრობლემის გამომწვევი მიზეზი შეიძლება მრავალი იყოს, შეისწავლეთ ჰაერგამტარი მოწყობილობის მდგომარეობა, შეამოწმეთ გარე ბლოკი, ხოლო თუ კონდიციონერი ახლახან დააყენეთ, დარწმუნდით, რომ მისი ზომა სივრცის სიდიდეს შეესაბამება. მცირე ზომის მოწყობილობამ შესაძლოა მოცულობითი სივრცე სათანადოდ ვერ გააგრილოს.ასეთ შემთხვევაში აუცილებელია უფრო ძლიერი მოწყობილობის შერჩევა და დაყენება. 

3. გაჟონვა - კონდიციონერიდან სითხის გაჟონვამ შეიძლება გამოიწვიოს გაგრილების მუშაობის დაქვეითება და გარემოსთვის ზიანის მიყენება. გაჟონვის ერთ-ერთი ყველაზე გავრცელებული მიზეზი არის დრენაჟის ჩაკეტვა. ჩაკეტვას კი, თავის მხრივ, ხელს უწყობს ჭუჭყი, მტვერი და სოკოვანი ბაქტერიები, რომელიც ხელს უშლის წყლის გადინებას. თუ ამ საკითხს დიდხანს არ მიექცევა სათანადო ყურადღება, მან შესაძლოა სუნთქვის პრობლემები გამოიწვიოს. 

გადაჭრის გზა: ძმარი პოპულარული პროდუქტია დრენაჟის გასაწმენდად. ძმრით წმენდისთვის შეურიეთ თანაბარი რაოდენობით ძმარი და წყალი, მიღებული ნივთიერება ჩაასხით მილში, გააჩერეთ დაახლოებით 30 წუთის განმავლობაში და ჩარეცხეთ სუფთა წყლით.

4. გაყინული აორთქლების ხვეულები - ეს შეიძლება მოხდეს ჰაერის ნაკადის პრობლემების გამო, რამაც შესაძლოა გამოიწვიოს გაგრილების შემცირება და კომპრესორის პოტენციური დაზიანება.

რეკომენდაცია: გამორთეთ კონდიციონერი, რათა სპირალი გადნეს და გაასუფთავეთ ფილტრები.

5. კომპრესორის პრობლემები - კომპრესორის დაზიანების მთავარი მიზეზი ხშირად გადახურებაა, რასაც, ძირითადად, მაღალი ძაბვა იწვევს. 

გამოსავალი: სწორი გადაწყვეტილება ასეთ დროს, უმეტესწილად, კომპრესორის შეცვლაა, ამიტომ გაიარეთ კონსულტაცია პროფესიონალთან ჩანაცვლების თაობაზე.

6. ელექტრული პრობლემები - გაუმართავმა გაყვანილობამ შესაძლოა დაარღვიოს ელექტროსისტემის მთლიანობა და გამოიწვიოს ოპერაციული ჩავარდნები.

გადაჭრის გზა: დარწმუნდით, რომ დენი გამორთულია და შეამოწმეთ დაზიანებული გაყვანილობა. საჭიროებისამებრ დაიხმარეთ პროფესიონალი. ყურადსაღებია ისიც, რომ  კონდიციონერების სხვადასხვა ტიპები ერთმანეთისგან მნიშვნელოვნად განსხვავებულ მოვლასა და შეკეთებას მოითხოვს.

ინვერტორული კონდიციონერები

ინვერტორული კონდიციონერები ტრადიციული კონდიციონერის გამარტივებული და უფრო ეფექტური ვერსიაა. ინვერტორული კონდიციონერი სხვა კონდიციონერებისგან განსხვავებით, ბევრად უფრო ენერგოეფექტურია, მუშაობს დაბალ ძაბვაზე, შესაძლებელია მისი ძრავის მუშაობის სიჩქარის კონტროლი, არის ეკოლოგიურად სუფთა და უფრო გამძლე.

“ნოვას” ქსელში კი განსაკუთრებით პოპულარულია Airfel-ის ინვერტორული კონდიციონერი, რომელსაც ბიუჯეტურობასთან ერთად საინტერესო ფუნქციონალიც ახასიათებს. მას აქვს გაგრილება/გათბობა/ცირკულაციის რეჟიმი. გაგრილებისას მისი სიმძლავრე 9000 BTU-ია, გათბობისას კი - 10000 BTU.

დასადგამი ტიპის

დასადგამი კონდიციონერი ტრადიციულ, კედელზე დამონტაჟებულ კონდიციონერთან შედარებით უპირატესი იმითაა, რომ მას არ სჭირდება მონტაჟი. მცირე ზომის დასადგამი კონდიციონერი  არ მოითხოვს არც თქვენი სახლის ინტერიერის სამუდამო მოდიფიკაციას. თქვენ შეგეძლებათ ის ნებისმიერ სივრცეში სასურველ დროს დადგათ და აიღოთ მაშინ, როცა ის აღარ დაგჭირდებათ. 

ფასები

კონდიციონერის ფასი მის ფუნქციონალზე, ბრენდზე, ზომასა და ტიპზეა დამოკიდებული. “ნოვას” კატალოგში დასადგამი კონდიციონერები ყველაზე მაღალ საფასო კატეგორიას მიეკუთვნება თავისი ზომისა და ფუნქციონალის გათვალისწინებით. მას აქვს გაგრილებისა და გათბობის რეჟიმები, მისი სიმძლავრე კი  48000 BTU (100მ²-150მ²) არის. 

ტრადიციული კონდიციონერების ფასი კი “ნოვაში” 800₾–დან 5000₾-მდე მერყეობს. “ნოვას” ვებსაიტზე შეძლებთ კონდიციონერების მრავალფეროვანი არჩევანი იხილოთ, ამიტომ ახლავე დაიწყეთ ძიება და შეიძინეთ კონდიციონერი იაფად. 

“ნოვას” პროდუქცია

“ნოვაში” შეძლებთ შემდეგი კატეგორიის პროდუქტების შეძენას: 

• ბაღი-ეზო და კემპინგი - ბაღის ავეჯი, პოლიეთილენის ნაწარმი, აუზები და აქსესუარები, ქოთნები, სარწყავი საშუალებები და ა.შ. 
• ელექტრობა და განათება - ნათურები, კაბელები, ტელეკომუნიკაცია, დამაგრძელებლები, შიდა განათება და სხვა. 
• გათბობა, გაგრილება, წყალმომარაგება - კონდიციონერები, საშრობები, ტუმბოები, კანალიზაცია, თბოიზოლაცია და ა.შ. 
• იატაკის საფარი და კარი - კარი, იატაკის ფილები, იატაკის საფარი
• ხელსაწყოები - ყველაფერი ავტომობილისთვის, აპარატები და დანადგარები, ხელის ინსტრუმენტები, სპეცტანსაცმელი და აქსესუარები (საწვიმარი ლაბადა), რკინა-კავეული და ფურნიტურა. 
• ლაქ-საღებავი, დეკორი - სარემონტო ქაფები, საღებავი შიდა და გარე სამუშაოებისთვის, სამღებრო და სალესი ხელსაწყოები, ემალის ლაქ-საღებავები და ზედაპირის მოსამზადებელი საშუალებები.
• მშენებლობა და რემონტი - ჰერმეტიკები, ხის მასალები, ჰიდრო და თბოიზოლაცია, სამშენებლო ქიმია, ორთქლ-იზოლაცია, სამშენებლო ბადეები, სამშენებლო ბლოკები, ლითონის ნაკეთობები, თაბაშირ-მუყაოს ფილები და საკანალიზაციო ჭის თავსახურები.
• სახურავი, საიდინგი და წყალსაწრეტი სისტემები - თუნუქის სახურავი, თუნუქის წყალსაწრეტი სისტემები, საიდინგი და მისი აქსესუარები.
• სანტექნიკა - აბაზანის ავეჯი და აქსესუარები,  შემრევები აბაზანისთვის, ნიჟარები და ხელსაბანები, უნიტაზები და აქსესუარები, აბაზანები და საშხაპე კაბინა, შემრევები სამზარეულოსა და საშხაპისთვის. 
• საყოფაცხოვრებო და დეკორაცია - ჭურჭელი, კარნიზები, ტექსტილი, საკანცელარიო ნივთები და შპალერები.

სასურველი პროდუქციის შესაძენად შეგიძლიათ “ნოვას” ფილიალში გვეწვიოთ და შერჩევაში მრავალწლიანი გამოცდილების მქონე პროფესიონალი დაიხმაროთ. მაღაზია ნოვა თბილისში, რაფაელ აგლაძის #45-ში მდებარეობს. ჩვენი სამუშაო საათებია 09:00-19:00. მაღაზიაში ხელმისაწვდომია მიტანის სერვისიც. მიწოდების პერიოდი საშუალოდ 3-5 სამუშაო დღეა.