ბათუმში ნოვას კიდევ ერთი საწარმო გაიხსნა

ნოვას ახალი საწარმოს გახსნა

 

დღეს ქალაქ ბათუმში, შპს „ნოვა“-ს 15 000 კვ.მ ფართობზე სასაწყობე ინფრასტრუქტურა და პოლიეთილენის წყლის ავზების განახლებული საწარმო გაიხსნა. პროექტი EBRD-ის და თიბისი ბანკის მხარდაჭერით განხორციელდა. იტალიური წარმოების დანადგარებით განახლებულ საწარმოში 10 000 ლიტრამდე მოცულობის პოლიეთილენის წყლის ავზები, დამცავი ბარიერები და სხვა პოლიეთილენის პროდუქციის წარმოებაა შესაძლებელი
საწარმო აჭარის ავტონომიური რესპუბლიკის მთავრობის თავმჯდომარემ, თორნიკე რიჟვაძემ, კავკასიაში ევროპის რეკონსტრუქციისა და განვითარების ბანკის (EBRD) რეგიონული დირექტორმა კატარინა ბიორლინ ჰანსენსესმა, ევროკავშირის წარმომადგენელმა საქართველოში დომინიკ პქაპენჰაიმმა , აჭარის ავტონომიური რესპუბიკის ფინანსთა და ეკონომიკის მინისტრმა ჯაბა ფუტკარაძემ და სხვა ოფიციალურმა პირებმა მოინახულეს.